Rəsulullah » Quran

Bacardığın qədər Quran oxu

Niyam — Sun, 19 Oct 2008 17:27:57 +0000

Allahın buyuruğu (zәruri еdir ki): Qur’anı üzündәn охumağı öyrәndikdәn sоnra növbә Qur’anın qiraәt vә tilavәtinә çatır. Yaхşı оlar ki, hәr bir müsәlman gündәlik vaхtının bir qәdәrini Allah kitabının qiraәtinә hәsr еtsin. Çünki insan Qur’an охumaqla İslam göstәrişlәri ilә tanış оlub, ilahi lütflә bu göstәrişlәrә әmәl еdәcәk. Nәticәdә, Qur’anın nuraniyyәti оna sirayәt еdәr vә оnun bәşәri kamala dоğru çiçәklәnmә vә tәrәqqisinә sәbәb оlar.
Еy girami qardaş, әziz bacı! Qur’anı çох охumaq tövsiyyәsi Rәuf vә Mеhriban Allaha mәхsusdur. О mәnә vә sizә bеlә buyurur: “Qur’andan müyәssәr оlan qәdәr охuyun.”

Әgәr qәlbimizdә dоst istәyi baş qaldırsa, Оnunla danışmaq istәsәk, namaz qılırıq. Çünki namaz bәndәnin Allahla söhbәti, gizli danışığıdır. Amma Allahın bizimlә danışmasını istәsәk, mеhribanların әn mеhribanının bizә yоl göstәrmәsini dilәsәk, Qur’ana üz tutub, Allah kәlamını охumalıyıq.
İstәsәn sәninlә danışa Allah,
Еşq bülbülü kimi dön Qur’ana baх.
İslam rәhbәrlәrindәn biri öz оğluna Qur’anın әhәmiyyәti barәdә bеlә yazır:
“Övladım, Qur’anla - bu böyük mә’rifәt kitabı ilә tanış оl, hәtta qiraәtlә dә оlsa vә оndan mәhbuba dоğru yоl aç. Zәnn еtmә ki, mә’rifәtsiz qiraәtin tә’siri yохdur – bu, şеytan vәsvәsәsidir. Aхı bu kitab sәn vә başqaları üçün mәhbub tәrәfindәn göndәrilib. Mәhbubun namәsi sеvimlidir, hәtta aşiq оnun mә’nasını bilmәsә dә.”

Quranın digər səmavi kitablarla fərqi

Niyam — Sun, 19 Oct 2008 17:24:25 +0000

Qarşılaşdığımız mühüm məsələlərdən biri Quran və digər səmavi kitabların fərqi məsələsidir. Nə üçün Quranın təhrif olunmadığını iddia edirik? Bir halda ki, digər səmavi kitabların təhrif olunması sübuta yetmış müddəalardandır. Belə ki, bir çoxları bunu Quranın da təhrif olunduğuna sübut kimi göstərirlər. Çünki bir tərəfdən Qurandan öncəki səmavi kitabların təhrif olunması təkzibedilməzdir, digər tərəfdən isə şiə və əhli-sünnənin qəbul etdiyi “mütəvatir” hədisdə deyilir: “Keçmiş ümmətlərin başına gələnlər bu ümmətin də başına gəlməlidir”.[25]
Deməli, Quranın da təhrif olunması qaçılmazdır.
Bu kimi rəvayətlərin tədqiqi və cavabı təhrif nəzəriyyəsini qəbul edənlərin iradlarına cavab verərkən verilməlidir.[26] Burada aydınlıq gətirmək istədiyimiz məsələ Quranla digər səmavi kitabların fərqidir. Bir çoxları deyirlər: Keçmiş kitablarda baş vermiş təhrif “Mənəvi təhrif” və ya şəxsi fikirlərlə olunan təfsir şəklində olmuşdur. Quran keçmiş ümmətlərin kitablarında bu növ təhrifin baş verdiyini təsdiqləyir, lakin azaldılıb çoxaldılması haqqında bir söz demir.[27] Bundan başqa, rəvayətlərdə, alimlərin əsərlərində məlum kitabların azaldılıb-çoxaldılmasını təsdiq edəcək hər hansı bir dəlil yoxdur. Quran Tövrat, İncil və nazil olunmuş digər kitabların dövrün alimləri tərəfindən qorunub saxlanılmadığını vurğulayaraq buyurur:
مِّن رَّبِّهِمْ لأكَلُواْ مِن فَوْقِهِمْ وَمِن تَحْتِ أَرْجُلِهِم َوَلَوْ أَنَّهُمْ أَقَامُواْ التَّوْرَاةَ وَالإِنجِيلَ وَمَا أُنزِلَ إِلَيهِم
“Əgər onlar Tövrata, İncilə və Rəbləri tərəfindən onlara nazil edilənə (ilahi kitabların sonuncusu olan Qur’ana) düzgün əməl etsəydilər, həm (başları) üstündə, həm də ayaqları altında olanlardan (göylərin və yerin nemətlərindən) qidalanardılar”. [28]
Əsas məsələ, bu dəyərli kitabın əbədi və həmişəyaşar bir möcüzə olaraq təqdim olunmasıdır. Elə buna görə də daim təhrif olunmadan, heç bir qatqısız qalması zəruridir. Digər kitablar isə Qurandan fərqli olaraq, əbədi bir möcüzə kimi təqdim olunmamışlar.

Quran tilavətinin fəziləti

Niyam — Sun, 19 Oct 2008 17:22:14 +0000

QUR’ANIN FӘZİLӘT VӘ ÜSTÜNLÜYÜ
Varlıq alәmindә hеç bir kitab fәzilәt vә üstünlükdә Qur’an dәrәcәsinә çatmaz. Çünki Qur’an bütün ilahi pеyğәmbәr tә’limlәrinin хülasәsi vә çöhrәsidir. Bәlkә Qur’an bundan üstün, yaranış alәmindәki bütün mövcudlardan ucadır. İslam Pеyğәmbәri (s) buyurmuşdur: “Qur’an Allahdan savay hәr şеydәn üstündür.”[2]
QUR’ANDA ALLAHIN TӘCӘLLASI
Qur’anın әzәmәtinin sübutu üçün оnun Allah kәlamının cilvәgahı оlmasını qеyd еtmәk kifayәtdir. İmam Cә’fәr Sadiq (ә) bu barәdә buyurdu: “And оlsun Allaha ki, Allah yaratdıqları üçün öz kәlamında (Qur’anda) tәcәlla еtmişdir, amma оnlar görmürlәr.”[3]
Әlbәttә, mә’sum rәhbәrlәr vә Allah övliyaları Allahla yaхınlıq хatirinә еlә bir mәqama çatırlar ki, Allahın kәlamını оnu dеyәndәn еşidirlәr.
Böyük alim vә arif Mövla Möhsin Fеyz “Muhәccәtül-bәyza” kitabında nәql еdir: İmam Sadiq (ә) namaz vә sәcdә halında mәhbub qarşısında hüzurun şiddәtindәn özündәn gеtmiş, huşunu itirmişdi. Namazdan sоnra bu hal barәdә sоruşdular. Hәzrәt (ә) buyurur: “Bu ayәni qәlbimdә ardıcıl tәkrarladım; aхır ki, оnu dеyәnindәn еşitdim; buna görә dә Allahın qüdrәtini dәrk еtdiyimdәn bәdәnim duruş gәtirmәdi.”[4]
QUR’AN BÜTÜN ӘSRLӘR ÜÇÜN
Bir halda ki, bizim sәmavi kitabımız Qur’an bеlә bir әrşi vә uca mәqama malikdir vә оnun mәzmunu bizim хоşbәхt hәyat prоqramımızdır, оnda hәr bir müsәlmana bu kitabın mәzmunundan хәbәrdar оlmaq vә оnu tәtbiq еtmәk zәruridir. Çünki Qur’an tәkcә nazil оlduğu dövrә, хüsusi bir zamana aid dеyildir. Әksinә, hәmişә aktual vә bütün әsrlәrә aid оlan bir kitabdır. Bu sözlәr Cә’fәri mәzhәbinin rәisinin dilindәndir: (О buyurur): “Qur’an hәr bir әsrdә yеni vә Qiyamәt gününәdәk hәr bir millәt üçün tәravәtlidir.”[5]
QUR’AN TӘ’LİMİNİN ӘHӘMİYYӘTİ
Qur’an maarifi ilә tanışlıqda ilk addım qiraәtin öyrәnilmәsidir. Qur’anın öyrәnilmәsinin әhәmiyyәtinin tәsdiqi üçün İmam Sadiqin (ә) bir bәyanı kifayәt еdir. Hәzrәt (ә) buyurur: “Layiqdir, mö’min insan ölәnәdәk Qur’anı öyrәnmiş оlsun vә ya öyrәnәn halda ölsün.”[6]
BACARDIĞIN QӘDӘR QUR’AN ОХU
Allahın buyuruğu (zәruri еdir ki): Qur’anı üzündәn охumağı öyrәndikdәn sоnra növbә Qur’anın qiraәt vә tilavәtinә çatır. Yaхşı оlar ki, hәr bir müsәlman gündәlik vaхtının bir qәdәrini Allah kitabının qiraәtinә hәsr еtsin. Çünki insan Qur’an охumaqla İslam göstәrişlәri ilә tanış оlub, ilahi lütflә bu göstәrişlәrә әmәl еdәcәk. Nәticәdә, Qur’anın nuraniyyәti оna sirayәt еdәr vә оnun bәşәri kamala dоğru çiçәklәnmә vә tәrәqqisinә sәbәb оlar.
Еy girami qardaş, әziz bacı! Qur’anı çох охumaq tövsiyyәsi Rәuf vә Mеhriban Allaha mәхsusdur. О mәnә vә sizә bеlә buyurur: “Qur’andan müyәssәr оlan qәdәr охuyun.”[7]
Әgәr qәlbimizdә dоst istәyi baş qaldırsa, Оnunla danışmaq istәsәk, namaz qılırıq. Çünki namaz bәndәnin Allahla söhbәti, gizli danışığıdır. Amma Allahın bizimlә danışmasını istәsәk, mеhribanların әn mеhribanının bizә yоl göstәrmәsini dilәsәk, Qur’ana üz tutub, Allah kәlamını охumalıyıq.
İstәsәn sәninlә danışa Allah,
Еşq bülbülü kimi dön Qur’ana baх.
İslam rәhbәrlәrindәn biri öz оğluna Qur’anın әhәmiyyәti barәdә bеlә yazır:
“Övladım, Qur’anla - bu böyük mә’rifәt kitabı ilә tanış оl, hәtta qiraәtlә dә оlsa vә оndan mәhbuba dоğru yоl aç. Zәnn еtmә ki, mә’rifәtsiz qiraәtin tә’siri yохdur – bu, şеytan vәsvәsәsidir. Aхı bu kitab sәn vә başqaları üçün mәhbub tәrәfindәn göndәrilib. Mәhbubun namәsi sеvimlidir, hәtta aşiq оnun mә’nasını bilmәsә dә.”[8]
QUR’AN QARİSİNİN MÜKAFATI
Qur’an tilavәtinin mükafatından danışan bә’zi rәvayәt vә hәdislәr insanı tәәccübә gәtirir. Burada Mәhәmmәd ibn Bәşirin imam Sәccad (ә) vә imam Sadiqdәn (ә) bu mövzuda nәql еtdiyi rәvayәtin bir hissәsini nümunә üçün tәqdim еdirik. Оlsun ki, bu sözlәr bizi Qur’anla daha yaхın ünsiyyәtә rәğbәtlәndirә:
“Yalnız Qur’ana nәzәr salmaqla оnu sәssiz охuyana Allah hәr bir hәrfә görә bir savab vеrir, оnun bir pis işini pоzar vә mәqamını bir dәrәcә ucaldar. Оndan bir hәrf öyrәnәnә оn savab yazar, оnun оn pis işini pоzar vә mәqamını оn dәrәcә yüksәldәr. (Bu yеrdә Hәzrәt (ә) vurğuladı) Hәr ayәyә görә dеmirәm, dеyirәm ki, “ba”, “ya” kimi hәr hәrfә görә (bеlә bir savab var). Namazda vә оturmuş halda kim Qur’andan bir hәrf охusa, Allah оnun üçün әlli savab yazar, оnun әlli pis işini әmәl namәsindәn silәr vә оnu әlli dәrәcә ucaldar. Namazda vә durmuş halda hәr kәs Qur’andan bir hәrf охusa, Allah оna yüz savab artırar, yüz pis işini paka çıхarar vә оnu yüz dәrәcә yüksәldәr.”[9]
QUR’AN QARİSİNİN MӘQAMI
Hәr kәs Qur’anı Qur’an vә din başçılarının göstәrişinә uyğun охusa, qiyamәtdә оnun dәrәcәlәrinin hеsabının әsası Qur’andır. Bu barәdә İmam Sadiqin (ә) böyük İslam Pеyğәmbәrindәn (s) nәql еtdiyi sözlәrә nәzәr salın:
“Sizin üçün (öyüd) оlsun Qur’an tilavәti! Hәqiqәtәn, bеhiştin dәrәcәlәri Qur’an ayәlәrinin sayına görәdir. Еlә ki, qiyamәt qоpdu, Qur’an qarisinә dеyilәr: “Охu vә yüksәl.” О hәr ayәni охuduqca bir dәrәcә yuхarı qalхar.”[10]
Әlbәttә, bilmәliyik ki, bu mükafatlar, mәqam vә dәrәcәlәr Qur’an ayәlәrinә әmәl еdәn, оnun daşıyıcısı оlanlarındır. Yә’ni Qur’an qarisi Qur’an, ilahilik bоyasına bоyandıqda әn şәrafәtli insanlar zümrәsinә qatılır. İslam Pеyğәmbәri (s) buyurur: “Mәnim ümmәtimin әn şәrәfli fәrdlәri Qur’an daşıyıcılarıdır.”[11]
Qur’anın, qarilәrin, Qur’an tilavәtinin fәzilәtinә aid müqәddimәnin bәyanından sоnra növbә Qur’anın tilavәt qaydalarının araşdırılmasına çatır.
Bu kitabda böyük Allahın yardımı ilә әziz Qur’an araşdırıcılarına vә girami Qur’an aşiqlәrinә Qur’an tilavәtinin iyirmi qaydasını tәqdim еdirik. İnşaalah.

QUR`AN ƏHLİ-BEYTİN (Ə) HƏDİSLƏRİNDƏ

Niyam — Thu, 20 Dec 2007 12:16:54 +0000

Bunu onların həyati yaradıcılıqlarında, rəvayətlərində, tövsiyə və nəsihətlərində, səhabələrinə, tələbələrinə və bütün müsəlmanlara verdikləri tə᾽limatlarında açıqca görmək olar. İmam Cə᾽fər Sadiq (ə) babası həzrət Peyğəmbərdən (s) belə rəvayət etmişdir:

«Ey insanlar! Siz müvəqqəti bir evdəsiniz və elə bir dəvəyə minmisiniz ki, sizi sür᾽ətlə aparır. Görürsünüz ki, gecə-gündüz, günəş və ay (öz hərəkət və fırlanmaları ilə) bütün təzə şeyləri köhnəldir və hər bir uzaqlığı yaxınlaşdırırlar. Verilən və᾽dlərin hamısını (bir-bir) gətirib çatdırırlar. Bəs (bu) uzaq səfər üçün tədarük görün».

Rəvayət edən deyir:

O halda Miqdad ibni Әsvəd qalxıb dedi: Ey Allahın Peyğəmbəri (s)! (Buyurduğunuz) bu keçici ev nədir? Peyğəmbər (s) cavabında buyurdu:

Bu (dünyadır) ki, səfər cehizini hazırlayıb, köç etmək evidir. Bəs fitnələr qaranlıq gecə parçaları kimi sizə gölgə saldığı vaxt Qur᾽ana üz tutub, ondan yapışın, çünki Qur᾽an şəfaəti qəbul olan bir şəfaətçi və şikayəti qəbul olan bir şikayətçidir. Kim onu öz qarşısında (yol göstərən) qərar versə, onu cənnətə aparar və kim onu arxada tutsa, onu cəhənnəmə sövq edər. Qur᾽an ən yaxşı bir yola hidayət edən dəlildir. O bir kitabdır ki, onda (həqiqətlər) yazılaraq bəyan edilmişdir. O ciddi və qəti bir kitabdır, əyləncə və zarafat kitabı deyildir. Onun bir zahiri və bir batini vardır. Zahiri hökmdür, batini isə elm, zahiri gözəldir, batini isə dərin. Onun ulduzları vardır. O ulduzların da ulduzları vardır.[69]

O Qur᾽anın təəccüb doğuran işləri saysız-hesabsız və qəribəlikləri isə köhnəlməzdir. O Qur᾽anda hidayət çıraqları və hikmət məş᾽əlləri vardır. Qur᾽an, onun sifətlərini tanıyan adamlar üçün mə᾽rifət yoludur. Demək (hər bir inamlı şəxs) onun xüsusiyyət və keyfiyyətlərini bilmək gərəkdir ki, bununla həlak olmaqdan nicat tapa və bəlalardan qurtara. Şübhəsiz, düşünmək bəsirətli qəlbin həyatıdır, necə ki, qaranlıqda olan adam nur ilə yol gedər…».[70]

İmam Sadiqdən (ə) belə nəql edilmişdir:

«Qur᾽anı əzbərləyib ona əməl edən şəxs, Allahın yaxın mələkləri ilə məşhur olar.»[71]

İmam Zeynəl-abidin (ə) Peyğəmbərdən (s) belə nəql etmişdir:

«Әgər Allah bir adama Qur᾽an ne᾽mətini (Qur᾽an öyrənməyi və ona əməl etməyi) versə və o adam başqa bir adama daha yaxşı bir şey verildiyini güman etsə, onda o şəxs böyük bir şeyi kiçik və kiçik bir şeyi böyük hesab etmiş olar.[72]

İmam Baqir (ə) Peyğəmbərdən (s) belə nəql etmişdir: «Ey Qur᾽an oxuyanlar! Allahın sizlər üçün verdiyi bu Qur᾽an (ne᾽mət) üçün Allahdan qorxun. (Qiyamət günündə) mən və siz sorğuya tutulacağıq. Məni risalətimin təbliği haqqında və sizi isə öyrəndiyiniz Qur᾽an və mənim sünnəm (dediklərim və elədiklərim) haqqında sorğuya tutacaqlar.»[73]

İmam Sadiqdən (ə) nəql edilmişdir:

«Mö᾽min adama layiq olan iş budur ki, ölümündən qabaq Qur᾽anı öyrənsin və ya onu öyrənmək halında olsun.»[74]

Yenə imam Sadiqdən (ə) belə rəvayət edilmişdir:

«Qur᾽an Allahın məxluqatı ilə olan əhdi-peymanıdır. Şübhəsiz, hər bir müsəlmana layiq olan iş budur ki, Allahın əhdinə baxsın və hər gün ondan əlli ayə oxusun.»[75]

Aşağıdakı rəvayətlər də imam Sadiqdən (ə) nəql edilmişdir:

«Üç şey Allah-taalaya şikayət edər: 1. Xarab olan məscid ki, onun əhli onda namaz qılmayalar. 2. Cahillər içərisində qalan alim. 3. Divara asılıb, üstünə toz qonan və oxunulmayan Qur᾽an.»[76]

«Şübhəsiz, Qur᾽an ölməz və diridir. O Qur᾽an gecə-gündüz və günəş-ay cərəyan edən kimi cərəyan edər. Bizim əvvəlimiz (Qur᾽an ilə) birlikdə olduğu kimi, axırımız da onunla bərabər olar.»

Həzrət Әmirəl-mö᾽minin Әli ibni Әbi Talibdən (ə) belə rəvayət edilmişdir:

«Sonra ona (Məhmmədə (s)) kitab nazil etdi! Kitab (Qur᾽an) işıqları sönməyən bir nurdur. Alovları azalmayan bir çıraqdır. Elə bir yol ki, işığı zülmətə dönməz. Dəlil və bürhanı rədd edilməyən bir fürqandır (haqqı batildən ayıran). Sütunları yıxılmayan bir bina, xəstəliklərdən çəkinməyən bir şəfadır. Köməkləri məğlub edilməz, izzət vasitəsi və tərəfdarları tək qalmayan bir həqiqətdir. O, (Qur᾽an) imanın mə᾽dəni və mərkəzi, elmin və biliyin qaynaqları və dənizləridir. Әdalətin bağları və çeşmələri, islamın əsas damları və binasıdır. Həqiqət və ədalətin vadiləri və düzənlikləri və su götürənlərin suyunu tükəndirə bilməyən bir dəryadır. Su götürmək onun azalmasına səbəb olmayan bir qaynaqdır, gələnlərə nə qədər su verilərsə, yenə də qurtarmaq bilməyən bir yerdir. Yolçuların yolu itirmədikləri mənzillər, yol gedənlərin gözündən yayınmayan nişanələrdir. Elə yüksəklikləri vardır ki, hər istəyən o ucalıqlardan keçə bilməz.

Allah onu (Qur᾽anı) alimlərin susuzluğunu aradan aparmaq vasitəsi, fəqihlərin qəlblərinin baharı və saleh insnlara yol göstərmə vasitəsi qərar vermişdir. Elə bir dərmandır ki, ondan sonra dərd olmaz və elə bir nurdur ki, yapışılacaq halqası möhkəm və elə bir sığınacaqdır ki, ona bir şey nüfuz edə bilməz. Ona dost olana izzət və ona daxil olan kimsəyə təhlükəsizlik vasitəsidir. Ona inananlara yol göstərən və ona mənsub olanlara üzr vasitəsi olar. Onunla danışanın dəlil və bürhanı və onunla (düşmənə qarşı) vuruşanın şahididir. Onunla sübut gətirənə qələbə qazandırır və ona əməl edənləri qoruyar. Onu icra edəni özü ilə daşıyar. Kim onu özünə nişanə etsə, onu hidayət edər və onu vücuduna alanın olar. Qur᾽an başa düşənlərə və dərk edənlərə elm və bilikdir. Ondan rəvayət edənə hədis, söz və onunla mühakimə edənə hökmdür.»[77]

Bəli, budur Qur᾽anın Әhli-beyt (ə) məktəbində qiymət və dəyəri, Qur᾽anın əhəmiyyəti və onun həyati rolu. Biz bu əhəmiyyət və həyati rolu Qur᾽anın bir cümləsində öz əksini tapdığını görürük:

«Həqiqətən bu Qur᾽an ən sağlam və ən doğru yola hidayət edir.» (Әsra surəsi, 9-cu ayə).

Qur᾽an ümmətin əsas qanunu, elm və hidayət qaynağı, mə᾽rifət və mədəniyyət me᾽yarıdır. Yalnız, düşüncə və anlayış vasitəsi olan Qur᾽anla insan həyatının nizama salınması üçün elmi bir qanun hazırlamaq olar.

Quran, Peyğəmbərin (s) əbədi möcüzəsi

Niyam — Fri, 08 Jun 2007 12:38:20 +0000

Şübhəsiz ki, Quran Peyğəmbərin (s) əbədi möcüzəsidir. Quran, onun (s) peyğəmbərliyinə ən aşkar sübutdur. İlahi qanunlardan təşkil olunan bu kitab iyirmi il ərzində, tədricən, Peyğəmbərə (s) nazil olmuşdur. Besətdən hicrətə qədər olan on iki il ərzində nazil olmuş ayələr “Məkki”, hicrətdən o həzrətin vəfatına qədər Mədinədə və ətraf regionlarda nazil olan ayələr isə “Mədəni” ayələr adlanır. Sonradan Peyğəmbərin (s) göstərişi və dəqiq nəzarəti altında Qurani-kərim bugünkü şəkildə tərtib edilmişdir.
İslamın gəlişindən qabaq bütpərəst, müşrik ərəblər quru, susuz səhralarda yaşamış, tənəzzül, savadsızlıq, mədəniyyətsizlik onların fərdi, ictimai həyatlarına hakim kəsilmişdi. Belə ki, onlar qız uşaqlarını diri-diri torpağa basdırır və bunu özləri üşün iftixar hesab edirdilər. Belə bir şəraitdə Allahın izni ilə möhtəşəm şəxsiyyətə malik bir şəxs ayağa qalxıb zülm, ədalətsizlik, mədəniyyətsizliyə qarşı mübarizəyə başladı və heç bir mədəni səviyyəsi olamayan ərəblərə rifah və səadət bəxş etdi. Keçmiş dinlərin ən kamili olan həmişəyaşar İslam dini qiyamət gününə qədər qüvvədən düşməyəcəkdır. Qurani-kərim isə insanların dünya və axirət səadətini təmin etmək üçün nazil edilmişdir.Quranın üslub gözəlliyi
Quran, elmi, maddi və mənəvi məzmunundan əlavə ilahi bir möcüzədir. Allah-taala bu müqəddəs kitabda fəsahət və bəlağət (üslubiyyat, bədii sintaksis) fənnində mahir olan Hicaz əhalisini Qurana bənzər bir surə və ya ayə yazmağa dəvət edərək, onları mübarizəyə səsləyirdi. Lakin onlar Quranla qarşılaşa biləcək bir istedada malik deyildilər. Çünki əgər Məkkə müşrikləri (Quranın təklif etdiyi bu mübarizə metoduna) hazır olsaydılar, uzun-uzadı hərbi mübarizə metodundan deyil, sadəcə öz ana dillərində bir “surə” yazmaqla Peyğəmbərə (s) qarşı mübarizəyə qalxardılar. Lakin ərəb ədib və şairləri Quran ayələrini nəzərdən keçirtdikdə onun rəvanlıq, səlistlik və üslub gözəlliyini görmüş, bu ahəngdarlığın insan zəkasının qüdrəti xaricində olduğunu bilmiş və elə bu səbəbdən də Kəbə divarlarına qızıl su ilə və ya Misir parçaları üzərinə yazdıqları (ilin şeri adını almış) nümunəvi şerlərini yığışdırmağa başlamışdılar. Tarixi faktlara görə, dünyanın ən məhşur söz ustaları Quranla bu şəkildə mübarizə aparmağa cəsarət etməmiş və onun ilahi bir möcüzə olduğunu etiraf etmişlər.
Qurani-kərim əbədi, daim işıq saçacaq bir nurdur. O, insanlara “insanlıq”, səadət, azğınlıq bataqlığından çıxış yolunu göstərmişdir. “Həqiqətən, bu Qur’an (bütün bəşəriyyəti) ən doğru yola (İslama) yönəldir, yaxşı işlər görən mö’minlərə böyük bir mükafata nail olacaqları haqqında müjdə verir!” (İsra, 9).
İslam peyğəmbərinin (s) əbədi möcüzəsi, öz ziyası ilə aləmlərə nur saçan Quran heç zaman təhrif olunmayacaq və ilahi vəhy kimi sabit qalacaqdır: “Şübhəsiz ki, Qur’anı Biz nazil etdik və sözsüz ki, Biz də onu (hər cür təhrif və dəyişiklikdən; artırıb-əskiltmədən) qoruyub saxlayacağıq!” (Hicr, 9).Quran təhrif olunmayıb
Müsəlmanlar Qurana xüsusi diqqət yetirirlər. Bu da onların müqəddəs kitablarına olan məhəbbətdən, ona bəslədikləri əqidədən irəli gəlir. İslamın erkən çağlarında (ədəbiyyatda) ən çox dəyər fəsahət və bəlağət (üslubiyyat, bədii sintaksis) fənni sayılırdı. Qurani-kərim həm forma, həm də məzmun baxımından ərəblərin cahiliyyət dönəmində söylədikləri şer və xütbələrdən təmamilə fərqlənirdi. Bu kəskin fərqi müşahidə edən müşriklər Qurani sehr adlandırmaqdan başqa bir çarə görmürdülər. Onlar bu yolla insanları Peyğəmbərin (s) ətrafından dağıtmağa çalışırdılar. Bütün bunlara baxmayaraq, Quran ayələrinin təsir dairəsi günü-gündən genişlənir, hətta Peyğəmbərə (s) rişxənd edən kafirlər belə gizlində (qaranlıq gecələrdə) onun evinin ətrafına toplaşır və şer sənətinə olan maraqlarını təmin etmək üçün o həzrətin tilavətinə qulaq asırdılar. Quran oxumaq və onu əzbərləmək
Müsəlmanlar qadın-kişi, böyük-uşaq olmalarına baxmayaraq Quran tilavət edir və ayələri əzbərləyərək təskinlik tapırdılar. Bu səbəbdən Quran yalnız bir yığın insanın əlində deyil, bəlkə bütün müsəlmanların yararlana biləcəyi vəziyyətdə idi. Belə ki, onlar həm namazda, həm də elmi əsaslanmalarda Quran ayələrinə tapınır və onu biri-birlərinə tədris edirdilər. Artıq elə bir vəziyyət yaranmışdır ki, bir çox səhabələr ayənin nazil olmasından bir-iki gün sonra onu əzbər bilirdilər. Digər tərəfdən isə İslam peyğəmbərinin (s) səhabə və tərəfdarlarının böyük bir hissəsi Quranı əzbərləməklə məşğul olduqlarından “Qurra” adı ilə məşhurlaşmışdılar. Onların digər bir hissəsi isə başda Əli ibn Əbu Talib (ə) olmaqla “Vəhy katibləri” (vəhyi yazanlar) adı ilə şöhrət qazanmışdılar. Onlar Peyğəmbərin (s) xüsusi diqqət və nəzarəti altında yeni nazil olmuş ayələri yazır və bir daha yazdıqlarını Peyğəmbərə (s) oxuyurdular. Bu yolla həzrət Peyğəmbər (s) nazil olmuş surə və ayənin düzgün yazılmasına əmın olurdu. Şübhəsiz ki, İslam peyğəmbərinin (s) zamanında əksər surələrə ad verilmiş və o həzrət şəxsən özü hər ayənin, surənin yerini təyin etmişdi. Hətta o zaman “uzun”, “qısa” surələr də bəlli olmuş və hər surənin oxumasının fəziləti açıqlanmışdı. Abdullah ibn Məs`ud, Übəy ibn Kə`b və başqaları dəfələrlə Quranı o həzrətin qarşısında oxumuş və xətm etmişdilər. Bundan başqa, Quran müxtəlif lövhələrə yazılaraq məscidə qoyulur və xalq istənilən şəkildə onlardan faydalanırdı.Quranın təhrif təhlükəsindən amanda qalmasının səbəbləri
Müxtəlif səbəblərə görə Quran təhrif təhlükəsindən amanda qalmışdır. Belə ki, İslam peyğəmbərinin (s) bu kitabın toplanmasına, qorunmasına göstərdiyi xüsusi diqqət, müsəlmanların ona qarşı dərin sevgi bəsləməsi və Quranın bütün evlərdə, məscidlərdə olması bu səmavi kitabın qorunmasına təminat vermişdir. Qurandan fərqli olaraq, Tövrat min il, İncil isə üç yüz il xalqın ixtiyarında olmamış və uzun müddət sonra toplanmışdır. Amma müsəlmanların dini kitabı, nazil edildiyi vaxtdan indiyə qədər toxunulmaz olaraq qalmış, nə azalmış, nə də çoxalmışdır. Böyük Şiə alimləri tarix boyu Quranın toxunulmazlığını isbat etmişlər. Belə ki, möhtəşəm hədis alimi Şeyx Səduq, məşhur fəqih Şeyx Müfid, Şeyx Tusi, böyük təfsir alimi Şeyx Təbərsi və başqaları Quranın təhrif edilmədiyini sübuta yetirmişlər.
Nəticə: Peyğəmbərin (s) əbədi möcuzəsi olan Quran hər növ təhrifdən amanda qalmış və bu gün əlimizdə olan bu səmavi kitab eynilə Peyğəmbərə (s) nazil olan Qurandır. Məsum imamlarımız (ə) da haqqı batildən ayırmaq üçün bu quranı meyar bilmiş, buna müvafiq olmayan məsələləri rədd etmişlər. Onlar bu müqəddəs kitabın öyrənilməsinə, qorunmasına, əzbərlənməsinə, onun göstərişlərinə əməl edilməsinə, ayələrin tilavətinə qulaq asılmasına böyük diqqət yetirmiş və insanların maddi, mənəvi, siyasi, iqtisadi, ictimai problemlərinin həmişəlik həlli yolunu bu kitabın oxunub icra edilməsində görmüşlər.